VIESCA DE REFLEXIÓN
Fotografías de Solaina de Lois Cid
A mostra foi realizada en colaboración coa galería Ceruleo para a marca de cervexa Prestosa no Parque Natural de Redes en Caleau (Asturies) e logo foi mostrada de novo en Solaina
No bulicio da vida moderna, é fácil perder de vista as nosas raíces e esquecer a importancia vital do noso medio natural. A medida que avanzamos nesta era dixital, a nosa sociedade foise desconectando progresivamente das súas orixes. Afastámonos da terra que nos sustenta, dos recursos que nos proporciona e da sabedoría que os nosos antepasados transmitiron de xeración en xeración. Por sorte, non é demasiado tarde para volver ás nosas raíces e aprender da natureza e renovar o noso respecto por ela.
Esta exposición pretende lembrar que a natureza, coa súa resistencia e capacidade de rexeneración, ofrécenos respostas e solucións aos retos aos que nos enfrontamos como especie. É hora de mirar cara atrás, aprender dos nosos antepasados e redescubrir o valor do que perdemos na nosa procura dun progreso desenfreado. Convidamos á cidadanía a mergullarse no bosque de faias de Tierra del Agua, en Caleao (Parque Natural de Redes, Asturias) para redescubrir a nosa conexión perdida coa natureza.
Neste contexto, temos o pracer de colaborar coa galería lucense Solaina e coa marca de cervexa artesá La Prestosa, cuxos ingredientes inclúen a ortiga. A ortiga, unha planta con propiedades medicinais e beneficiosas para a saúde, úsase desde tempos inmemoriais polas súas calidades calmantes, antiinflamatorias, analxésicas e cicatrizantes. Nos nosos bosques este recurso abunda case infinitamente, e a súa presenza lémbranos o inmenso potencial que nos ofrece a natureza, refuxio das nosas almas na procura das súas raíces perdidas.
A mostra realizouse en Asturies do 22 ao 23 de Xullo e en Lugo do 2 septiembre ao 14 octubre de 2023