Sergio Marey
(Pol, 1997)
directore da galería Solaina
Foto realizada por Sergio Roo
Proveño dunha familia labrega e hosteleira, dun concello da montaña lucense, Pol, que me deu un continuo e invaluabel contacto co rural galego. Esa cercanía guía a miña actual relación coa arte baixo unha visión política e social con Galiza. É tan estreita esta relación que non concibo a miña actividade como algo alleo, senon como un axente que se interrelaciona co resto o que provoca en sí cultura.
Esta posición ante a Arte levoume a unha comprensión diferente das artes, variadas elas e populares, que se encontran ameazadas por causa do descoñecemento, a apropiación e o maltrato continuo. Quero facer pensar e recapacitar sobre os diversos aspectos que tocan a nosa sociedade, especialmente aqueles que teñen a ver coa identidade e a diversidade de xénero e sexual, amosando ao mesmo tempo a riqueza cultural de Galiza.
TRAXECTORIA
Comezo a miña formación na música tradicional como cantareire e pandereteire aos 14 anos, formando parte de diferentes grupos como Cantareiras de Pol ou Gaia Pandereteiros.
Unha vez tida a maioría de ideade titúlome en Deseño de Moda e realizo un Máster en Deseño e Confección de Bolsos no Instituo Europeo de Design (IED) en Madrid. Durante este tempo comezo a desenvolver diferente traballos no mundo da moda, como modelo, estilista e vestidor en desfiles. Tamén desenvolvo as miñas primeiras coleccións (ou series téxtis como eu lles chamo), presentandoas a través de performace e fashion films en Fashion Weeks como a de Rumanía e Madrid e en festivais de cine como o Queer Porto (Portugal) ou o Athenes Fashion Film Festival (Grecia).
En 2019 regreso a Galiza e comezo a traballar coa deseñadora María Barros, n’A Coruña para logo voltar en 2020 a Lugo, tempo no que decido abrir a galería Solaina en Lugo. Así comezo a miña nova faceta como curadore e xestore cultural, realizando proxectos expositivos e culturais tanto dentro da galería como para insitucións como o Museo Provincial de Lugo, a Deputación de A Coruña, o Festival Intersección, o Concello de Lugo entre outras. salienta tamén o seu papel como co-organizadore da Feira de Fanzines e Autoedición Vaia Vaia de Lugo e das Residencias Ao Caraño! en Pol (Lugo).
Durante este tempo as miñas creacións vánse alonxando da moda e experimento con novas linguaxes o que me leva a realizar diferentes creacións que van dende a performance, a escultura, a instalación ou a escrita. Estas pezas van ser amosadas en msotras individuais e colectivas en lugares como o Museo Reina Sofía de Madrid, o Festival MMMad Art Madrid, A Fundación Eugenio Granell, o Auditorio de Galiza, o Festival de Poesía Lupercais ou a Galería CUtto (Madrid).
Con estas novas creacións son galardonade co 1º Premio de Artista Novos do Auditorio de Galiza en 2023 así como son seleccionade para residencias como As Paraíso en Vimianzo (A Coruña) ou o Encontro de Artistas Novos (Santiago de Compostela).
Forma parte tamén de diferentes asociacións e colectivos e en 2023 foi nomeade Presidenti da Asociación Profesional de Artistas de Galiza AColectiva.