CICLO COLUSIÓN
Ciclo de concertos e audiovisuais realizado co apoio da Área de Xuventude do Concello de Lugo o día 30 de Decembro de 2022 na Casa da Música
O Ciclo Colusión, é un ciclo comisariado por Sergio Marey para a Concellería de Xuventude do Concello de Lugo. Tras o éxito da edición do 2021, volta a cidade amurallada contando con dous espectáculos únicos a cargo das artistas músicais Beatrix Weapons (Murcia-Lugo) e O rabelo (As Neves) e as artistas audiovisuais Pablo Agama (Vigo) e María Vérez (As Pontes).
Ciclo Colusión nace como un proxecto de residencia onde se busca crear lazos e sinerxías entre diferentes disciplinas artísticas e diferentes artistas. É evidente a relevancia que está a ter no país a música e o audiovisual. Son moitas as artistas de ambas disciplinas que se sitúan na referencia do panorama estatal, europeo e incluso mundial. Así estas artes están a contribuír ao desenvolvemento e coñecemento da cultura galega xerando novos movementos artísticos no país. Desta maneira xorde este proxecto de hibridación de ámbalas dúas artes. O desenrolo deste consiste en crean dúas parellas de artistas, xuntando enc ada unha a unha artista musical con outra audiovisual para que durante 1 mes e medio traballen na creación dun espectáculo único para Lugo. Así dúas artistas descoñecidas entre si de disciplinas diferentes, se mesturan para crear algo novo. Trátase dunha proposta nova, unha alternativa de ocio para a xuventude a través da arte, unha experiencia única para o público, pero tamén para os artistas. Estes enriquecese ao traballar dunha maneira diferente, con outra xente, con outras disciplina... xerando un reto tamén para elas xa que se presenta como unha forma nova de traballo que lles permita desenrolar novas facetas. O éxito dende este punto de vista e pleno. As artistas da edición pasada continuaron a traballar xuntas ou comezaron a desenrolar proxectos integrados na outra disciplina. Desta maneira Ciclo Colusión mostroulles as artistas novas formas de traballo, de posibilidades, impulsou a súa carreira... un dos obxectivos da realización deste Ciclo, igual que o de traer a arte máis contemporánea a cidade e achegala a mocidade, obxectivo tamén cumprido e que este ano se cumprirá de novo con esta nova edición.