CRAVOS COMA TOXOS
Fotografías de Lois Cid
Exposición realizada para a Rede Museística de Lugo co apoio da Área de Culutra da Deputación de Lugo e a Caixa Rural Galega
Cravos coma toxos, unha exposición que reúne a obra de 10 artistas galegos e portugueses, curada por Sergio Marey para a Rede Museística de Lugo, a través da cal se da nome a un novo movemento que busca por de manifesto as conexións entre Galiza e Portugal, máis neste ano no que Lugo é a capital cultural do Eixo Atlántico. A mostra poderá visitarse ata o vindeiro 22 de Xuño e Sergio, o seu curador, definea da seguinte maneira:
Cravos ao peito que rezuma luz, a noite vívida, unha escolma onde o preto se volve branco. É así. Sentimentos, mente, subconsciente. Luz, pasmación, marabilla. É a nova arte galego - portuguesa, o neotenebrismo. Porque é das tebras, do negro negrísimo de onde xorde o sublime. Cravos coma toxos trátase dunha exposición que reúne a 10 artistas de ámbolos dous países, de terras asoballadas, de xentes sufridoras.
Perante a distancia, a unión. Cando o mundo se afana por ocultar, esquecer, relembramos na noite, trazamos camiños, tuneis, que como toupas, sen ver, fannos atoparnos. Un encontro que xorde a través da arte. Obras que son metáforas de todos eses ocos abertos no preto, que nos achegan.
Así a través da obra de Andy James, Antía Caldeiro, Carlota Caçador, Fernando Voyeur, Hermes, Hugo Sousa, Noemí Nuñez, Noemí Parguelas e Nuria López descubrimos estas conexións. Navegando entre as súas creacións poderemos atoparnos con tradición e cultura, con pasado, presente e futuro. Verémonos as caras coa sociedade, a galega e a portuguesa, coa súa interrelación asi como coa maneira que estas teñen de habitar os seus espazos e as súas realidade. Con obras que van dende o téxtil á foto, pasando pola pintura, a instalación, a cerámica, a instalación e incluso a publicación esta exposición quere amosar que está a pasar no Oeste da Península Iberica, e o que leva pasando toda a vida. Rexuntar dous pobos a través da arte e a cultura, e mostrar o que sempre os uniu.
A mostra tivo lugar no Pazo de San Marcos e estivo aberta ao público do 22 de Marzo ao 22 de Xuño de 2023