U-LAS RELIQUIAS?
Instalación realizada na contorna da aldea de Caraño de Abaixo, Pol, Lugo, resultado da III Edición da Residencia Ao Caraño!
No corazón da aldea, hai reliquias agovhadas que non son tesouros de ouro nin prata, senón símbolos do rural esquecido. Cada reliquia son fragmentos dun xeito de vida que corre o risco de perderse.
Con esta instalación dende a colectiva D’Abaixo procuramos que a xente que se achegue recompoña pouco a pocuo un mapa símbolico do territorio recoñecendo o seu valor. O seu papel é crucial: de como busquen, garden e compartan esas memorias dependerá que permanezan vivas ou caian no esquecemento. Cada reliquia atopada é un fragmento de identidade. Ao xuntalas reconstruímos un pasado, un espello para o noso presente e un espazo para o porvir.
A Colectiva D’Abaixo agrupa as persoas participantes nas residencias Ao Caraño, un espazo de creación que, nesta súa terceira edición, contou coa participación das artistas Noemí Núñez, Pía Piadosa, Alberto Ovejero, Teresa Larios e Sergio Marey.
A través da residencia artística Ao Caraño, das creacións e intervencións no espazo público, o colectivo busca estreitar os lazos entre arte e territorio, explorando, recuperando e revalorizando as tradicións e identidades rurais, ao tempo que se abre á experimentación e á innovación propia da arte contemporánea, tentando tecer redes entre artistas e veciñanza.
Defenden unha arte viva, inclusiva e vinculada ao territorio, vendo o rural como centro de creatividade e transformación, e cada proxecto como unha oportunidade de reflexión colectiva.