RELEMBRANDO A TRINI
Instalación realizada con obextos persoas e documentos de Trini presentada en A Coruña
A historia do colectivo LGBT+ está plagada de grandes referentes, non só para o colectivo, senon para historia universal. Mais o problema que temos é a dificultade de acceso a estes referentes, e o esquecidas que están as súas historias, moitas veces precisamente por ser persoas disisdentes. Esta dificultade de acceso aos referentes fai que as persoas que pertencemos a este colectivo moitas veces estemos perdides, sen coñecer quen nos precedeu, cal é a historia que nos precede, que loitas e conquistas se acadaron referidas aos nosos dereitos. Porén e preciso amosar a historia das que nos precederón, para cons truír un presente e futuro máis igualitario, máis aínda nos tempos que corren co auxe da ultradereita, e onde os nosos dereitos se poñen en entredito.
Así unha desas grandes historias LGBT+ do noso país é a de Trinidad Falcés, muller trans, galega e gran activista polos derei tos do colectivo. Ela exemplifica unha desas historias que debe ser referente para o colectivo, mais para todas as persoas tamén. Ela foi presa dun campo de concentración pola súa realida como persoa cuir. Ela estivo presente na primeira marcha LGBT do Estado Español. Ela foi combativa e loitadora para poder existir, mais tamén porque todes o puideramos facer.
Relembrando a Trini é un proxecto de investigación sobre a vida de Trini que se materializa nunha publicación e unha instalación na que se expoñen diferentes obxetos, documentos e fotografías da homenaxeada. Este proxecto foi financiado pola Área de Igualdade e Dereitos Civís da Deputación da Coruña e lanzouse cunha xornada realizada na Biblioteca Durán Loriga da súa cidade natal, A Coruña, onde ademais de presentar a instalación e o libro contamos con Laura Bugallo, actividta trans e pola emgración, para falarnos da situación trans onte, hoxe e maña e con Diego Maseda, coordinador do clube de lectura cuir “Queeruña”, que nos falou da importancia da literatura cuir e deste tipo de espazos. A mostra e o libro foise presentando por diferentes concellos da provincia entre eles Corcubión, Ribeira ou Vimianzo