VIVA LUCEIRO DA ALBA
Instalación performativa realiza con terra, tecido, madeira, cianotipia, mamadeiras e fotolitos
Realizada dentro do programa “A Miña Peza Favorita” da Fundación Eugenio Granell e presentada ademais no CGAC dentro do programa Cultura e Cidadanía do Ministerio de Cultura
Viva o sol viva a lúa
Viva luceiro da alba
Viva quen coroa o ceo
Viva quen o coroaba
O boom do tradicionalismo, do empoderamento da nosa cultura... é unha realidade. Estamos a viver tempos nos que están a xurdir un feixe de propostas no eido da arte e a cultura que toman elementos do mundo galego como fonte de inspiración, ou para traballar sobre eles. Mais debemos recordar que este traballo non xorde da nada.
Viva luceiro da alba é unha instalación performativa a través da cal procuro unha reflexión entorno a esta deriva cultural galega. É marabilloso o que esta a suceder, mais como digo, xa levamos décadas nesta labor. Unha morea de xente traballou e traballa por manter viva a nosa cultura, por rescatar as historias e tradicións... Desta maneira poño o foco na importancia do pobo, da comunidade, nesta loita pola supervivencia do noso, facendo desta peza unha lembranza desta historia.
Un recordo amplo, co quero amosar tamén o papel das persoas LGBT+. A xente do colectivo foi fundamental, moitas delas sentaron as bases non só na supervivencia da nosa cultura, senón na maneira de revisala. Estiveron e estamos, e un exemplo claro é a presenza das persoas LGBT+ na música e baile tradicional da Galiza.
Co isto o que quero mostrar é a importancia da nosa cultura como creadora de valores, unha ferramenta para a inclusión, o respecto, o apoyo e a sensibilización.