O FURANCHO
Fotografías de Lois Cid
Residencia artística e mostra realizada en colaboración co colectivo Bunker 24 e a Feira de Fanzines e Autoedición Vaia Vaia
Furancho, unha exposición que reúne a obra de 7 artistas da ilustración e a banda deseñada e que foron os participantes da residencia express de banda deseñada O Furancho organizada polo colectivo Bunker24 en colaboración co Festival de Fanzines e Autoedición Vaia-Vaia, Laconcongrelos e a propia galería Solaina.
O Furancho é a segunda residencia organizada polo colectivo Bunker24 (Iván Macguill e Pablo Saulo) que tras unha primeira edición realizada en Barcelona no espazo MalPaís, chegou a Lugo o pasado 11 de Febreiro para realizar unha nova edición. Así durante 24h, 7 artistas (Julia Lago, Nico Ben, Luis Yang, Chano Ripio, Anabel, Iván Mcguill e Pablo Saulo) concentraronse na produción dunha historia nun contexto de cautividade. Durante esas 24h os artistas estiveron encerrados en Solaina creando cada unhe a súa historia, mais tamén que estiveran unidas entre si. O resultado desta residencia é unha publicación editada por Laconcongrelos e que verá a luz o vindeiro 25 de Febreiro nunha presentación que terá lugar durante a inauguración da exposición homonima, O Furancho. Así esta exposición reunirá diferentes trabalhos individuais dos artistas, máis tamén será unha mostra do proceso de creación que tivo lugar durante esas 24h. Bocetos, papeis, escritos, así como cervexas e outros restos da convivencia nos achegarán a ese proceso e nos permitirán ver como foi a experiencia. Ademais poderás tamén mercar esa publicación así como diferentes publicacións e obras des artistas convidades.
A residencia artística tivo lugar o 9 de Febreiro de 2023 e a mostra puido visitarse entre o 23 de Febreiro e o 30 de Marzo de 2023