CRUCEIRO A SANTA LIBRADA E DEMAIS MÁRTIRES DISIDENTES
1º Premio Artista Novo do Auditorio de Galiza (Santigao de Compsotela)
Os crimes LGBTIQfóbicos así como as violencias contra o coletivo LGBTIQA+ aumentan día tras día, ano tras ano. Como persoa non binaria que pertence a este colectivo, decidín levantar un cruceiro para lembrar a todas esas vítimas.
Os cruceiros son representacións da arte popular, a través dos cales os galegos representaban diferentes fitos como mortes violentas, lugares de culto pagáns, agradecemento... simbolizan feitos tanto de carácter cristián como non, mais utilizan a relixiosidade como expresión, atopando nela maneiras de subverter os dogmas impostos. Desta mesma maneira tomo a relixión e os seus elemen tos para representar ao colectivo, pois dentro desta existen diversas persoas santificadas e/ou veneradas con sexualidades e xéneros diversos. Un xeito de amosar que sempre fumos representades, sexa na relixión, a arte, a cultura... e que por ende sempre existimos pese a que nos queiran ocultar.
Así mesmo busco traer á contemporaneidade o cruceiro, imaxinando como sería se xurdiran hoxe. A estética deste partiría da estética popular máis espa llada nestes días, O Feísmo, un tipo de creación popular no que con diferentes materiais reciclados se crean estructuras de diversa funcionalidade. Emprego elementos como ladrillo, cordón das pacas, madeira atopada no monte, ferros da antiga corte dos meus avós... para constituir os diferentes elementos que compoñen o cruceiro orixinal e esculpo con barro es santes seleccionades (Santa Librada, Madre Xoana da Cruz, Santa Hildegarda e San Sergio e Baco).